Qendërmbrojtësi i Gjermanisë, Jonathan Tah, ka folur për herë të parë për penalltinë e humbur në ndeshjen kundër Paraguait.
Gjermania humbi 4:3 në penallti dhe u eliminua nga Botërori.
Tah ishte i fundit që gjuajti penalltinë për gjermanet. Por gjuajtja e tij përfundoi jashtë portës dhe Gjermania dështoi të kualifikohet në një të tetën e finales.
“Penalltia e humbur më ka kaluar nëpër mendje mijëra herë. Po përpiqem ta drejtoj topin disi drejt portës në mendimet e mia, por realiteti është se topi nuk përfundoi brenda, dhe kjo dhemb. Jam jashtëzakonisht i zhgënjyer që jemi eliminuar nga turneu”, shkroi Tah në Instagram.
Tah nuk ishte i vetmi që humbi penalltinë. Nga pika e bardhë dështuan edhe Kai Havertz dhe Nick Woltemade.
