Sot, do të zhvillohet edhe ndeshja e tretë e serisë finale të “play-offit” në Superligën e Kosovës në basketboll ndërmjet Bashkimit dhe Trepçës.
Pas dy ndeshjeve të para të luajtura në Mitrovicë, tani seria bartet në Prizren, ku Bashkimi do të jetë nikoqir i Trepçës në dy ndeshjet e ardhshme.
Aktualisht, Trepça po avancon 2:0 në këtë seri dhe ndeshja e tretë ndërmjet këtyre dy skuadrave luhet sot, prej orës 19:30 në palestrën “Sezai Surroi”.
Edhe kjo finale pritet të jetë e zjarrtë, me Bashkimin që do ta ketë përkrahjen e madhe nga tribunat, por në parket do të jetë pa amerikanin Kyan Anderson, i cili për shkak të lëndimit nuk do të mund të paraqitet në ndeshjet finale përballë Trepçës.
Skuadra që regjistron katër fitore në këtë seri finale, do të shpallet kampione e Kosovës në basketboll për sezonin 2025/26.
