Selektori i Kombëtares së Shqipërisë, Sylvinho, tashmë ka në kokë formacionin me të cilin do t’i kundërvihet Çekisë.
Të enjten paradite, Sylvinho ka provuar lojtarët që sipas të gjitha gjasave pritet të jenë startues në ndeshjen e së shtunës mbrëma në Tiranë, në të cilën do të paraqitet me sistemin 4-1-4-1.
Në portë, do të jetë Thomas Strakosha kurse reparti i mbrojtjes do të përbëhet nga Ivan Balliu në krahun e djathtë pastaj Mario Mitaj në të majtin, si dhe Ardian Ismajli e Arlind Ajeti në qendër.
Mesfushori Ylber Ramadani do të ketë detyra defensive dhe është vendosur para mbrojtjes kurse vija e mesfushës pas sulmit do të jetë Jasir Asani, Qazim Laçi, Kristjan Asllani e Nedim Bajrami.
Sulmit të Shqipërisë, i vetëm do t’i prijë Indrit Tuci për shkak se Sylvinho ka mungesa në këtë repart.
