Kryenegociatori i Kosovës me Bashkimin Evropian, Jeton Zulfaj, ka reaguar përmes një postimi në platformën X lidhur me progresin e Kosovës në procesin e integrimit evropian, duke vënë në pah mospërputhjen mes përmirësimeve të vendit në treguesit ndërkombëtarë dhe statusit të tij në raport me BE-në.
Zulfaj ka thënë se Kosova ka shënuar përparim në pesë tregues ndërkombëtarë që matin sundimin e ligjit, liritë demokratike, luftën kundër korrupsionit, lirinë e medias dhe zgjedhjet.
Megjithatë, ai ka theksuar se Kosova, ndonëse ka aplikuar për anëtarësim në Bashkimin Evropian në dhjetor të vitit 2022, vazhdon të jetë i vetmi vend në Ballkanin Perëndimor që nuk ka marrë statusin e vendit kandidat.
“Ky është kuptimi i asaj që kryeministri Kurti thotë kur deklaron se statusi i Kosovës në procesin e anëtarësimit në BE nuk pasqyron progresin e saj. Progresi i Kosovës është i matshëm. Në pesë tregues ndërkombëtarë që matin sundimin e ligjit, liritë demokratike, luftën kundër korrupsionit, lirinë e medias dhe zgjedhjet, Kosova ka shënuar përmirësime gjatë periudhave përkatëse”, ka shkruar Zulfaj.
Ai ka kërkuar që përparimi i Kosovës të njihet dhe reformat e ndërmarra të shpërblehen, duke theksuar se procesi i zgjerimit të Bashkimit Evropian duhet të bazohet në meritë dhe të zbatohet njësoj për të gjitha vendet.
“Progresi duhet të njihet. Reformat duhet të shpërblehen. Procesi i zgjerimit duhet të bazohet në meritë dhe të zbatohet njësoj për të gjithë. Kosova është e gatshme të bëjë hapin e radhës drejt anëtarësimit në Bashkimin Evropian”, ka përfunduar Zulfaj.
Reagimi i tij vjen në kohën kur Kosova vazhdon të kërkojë avancim në procesin e integrimit evropian, pas aplikimit për anëtarësim në BE në fund të vitit 2022.
This is what Prime Minister Kurti means when he says: “Kosova’s EU accession status does not reflect Kosova’s progress.”
Kosova’s progress is measurable. Across five international indicators covering the rule of law, democratic freedoms, anti-corruption, press freedom and elections, Kosova has recorded improvements over the respective periods shown.
Yet, despite applying for EU membership in December 2022, Kosova remains the only Western Balkan country without EU candidate status.
Progress should be recognised.
Reforms should be rewarded. Merit-based enlargement must apply to all.
Kosova is ready to take the next step towards EU membership.
— Jeton Zulfaj (@JetonZulfaj) November 16, 2026







