Ministri i Punëve të Brendshme, Xhelal Sveçla ka folur për situatën në veri të vendit, që sipas tij është më e qetë për dallim nga ditët tjera, ku pati incidente e veprime të dhunshme.
Ai bëri të ditur se sot ka qenë në vizitë në disa lokacione atje dhe “kishte një profesionalizëm të jashtëzakonshëm të Policisë së Kosovës”.
Tutje, Sveçla theksoi se kanë arritur t’i identifikojnë personat të cilat kanë kryer sulme ndaj Policisë, KFOR-it, por edhe gazetarëve.
“Po. Policia e Kosovës, në bashkëpunim me AKI-në, si dhe me Shërbimet e vendeve aleate, ka arritur që shumicën nga këta kriminelë t’i identifikojë. Mos të harrojmë se një gjendje kriminale ka mbizotëruar për 20 vjet dhe ka shumë eksponentë kriminalë , të cilët nuk e kanë për herë të parë të sulmojnë qoftë policinë, qoftë qytetarët të thjeshtë, apo mediat, e kësaj radhe edhe pjesëtarët e Misionit të KFOR-it. Ne këtë kontigjent e kemi riverifikuar,të jemi më korrekt, Policia e Kosovës dhe AKI e kanë riveirfikuar, dhe jemi në rrugë të mirë që shumicën prej këtyre dhunuesve t’i identifikojmë, t’i lokalizojmë dhe pastaj Policia e Kosovës t’i arrestojë”, tha ai për RTK, përcjell teve1.info