Ministri në detyrë i Brendshëm, Xhelal Sveçla dhe zëvendëskryeministri i parë i Maqedonisë së Veriut, Izet Mexhiti kanë marrë pjesë në implementimin e parimit të kontrollit “Hyrje – Hyrje” në Pikë Kalimin e Përbashkët kufitar Glloboqicë – Jazhincë.
Qeveria e Kosovës dhe ajo e Maqedonisë së Veriut kanë përuruar më 12 prill pikëkalimin e përbashkët kufitar në mes të dy shteteve në pikë-kalimin kufitar Hani i Elezit – Bllacë.
Ndryshe, ky pikëkalim i përbashkët është një nga dy pikat kufitare të parashikuara sipas Protokollit për Zbatimin e Marrëveshjes ndërmjet Qeverisë së Republikës së Kosovës dhe Qeverisë së Republikës së Maqedonisë së Veriut për Pikat e Përbashkëta të Kalimit Kufitar Hani i Elezit – Bllacë dhe Glloboqicë – Jazhincë, i nënshkruar në nëntor 2024 në mbledhjen e përbashkët të dy qeverive./teve1.info/
