Kreu i marrëdhënieve me publikun në Ministrinë e Brendshme të Katarit, Abdullah Khalifa Al-Muftah, tha se tetë persona u plagosën nga copëzat e raketav iraniane në Katar, njëri prej tyre në gjendje të rëndë.
Në një fjalim televiziv, ai deklaroi se ndaj Katarit u lëshuan 66 raketa dhe se u regjistruan 114 raportime për rënie copëzash në të gjithë vendin.
Zyrtarët konfirmuan gjithashtu se një sistem radari paralajmërues i hershëm u godit nga një dron iranian.
Ndërkohë, Ibrahim Sultan Al-Hashemi, kreu i marrëdhënieve me publikun në Ministrinë e Punëve të Jashtme, u shpreh se “shënjestrimi i përsëritur i Katarit nga Irani është një veprim i pamatur dhe i papërgjegjshëm që bie ndesh me parimin e fqinjësisë së mirë”.
Në një deklaratë, Ministria e Jashtme njoftoi se ka thirrur ambasadorin iranian Ali Saleh Abadi, duke i shprehur “protestë të fortë, pakënaqësi të thellë dhe refuzim kategorik të shënjestrimit të territorit të Katarit”.
Zyrtarët theksuan se këto veprime përbëjnë shkelje të së drejtës ndërkombëtare dhe të sovranitetit të Katarit, si dhe kërcënim për sigurinë, duke paralajmëruar se vazhdimi i sulmeve do të sillte pasoja serioze në marrëdhëniet dypalëshe mes dy vendeve.
Irani lëshoj sulme hakmarrëse ndaj bazave amerikane në vendet e Gjirit Persik dhe Izraelin pas sulmeve amerikane dhe izraelite në Iran, të cilat lanë të vrarë mbi 200 persona, sipas raportimeve të mediave iraniane.
