Sipas tij, tani është koha për të ecur përpara dhe për të përfunduar me sukses procesin e dialogut për normalizimin e marrëdhënieve mes Beogradit dhe Prishtinës.
Në një prononcim për Tanjug, Stano u shpreh se me nënshkrimin e kësaj Marrëveshjeje, Beogradi dhe Prishtina kanë marrë obligime të rëndësishme ndërkombëtare dhe ka theksuar se dy palët duhet të zbatojnë plotësisht gjithçka që është rënë dakord.
“BE dhe vendet anëtare presin përparim të shpejtë nga të dyja palët, si dhe Beogradi dhe Prishtina të përfshihen seriozisht në të. Bashkimi Evropian dhe vendet anëtare presin gjithashtu që të dyja palët të zbatojnë plotësisht të gjitha marrëveshjet e arritura tashmë”, tha Stano.
