Gjykata Speciale nuk i ka komentuar raportimet se sot kanë filluar bastisjet dhe është arrestuar komandant ‘Topi’, Haxhi Shala.
Në një përgjigje për teve1.info thuhet se operacionet janë duke vazhduar në Kosovë dhe nuk kanë komente të mëtejshme.
“Zyra e Prokurorit të Specializuar është duke zhvilluar operacione të vazhdueshme në Kosovë dhe nuk ka komente të mëtejshme”, thuhet në përgjigje për redaksinë.
Ndryshe, javën e kaluar është bastisur shtëpinë e bashkëluftëtarit të Salih Mustafës, Behar Berisha.
Ndërsa javë më parë bastisje janë kryer edhe tek shtëpitë e ish-këshilltarëve të Hashim Thaçit, tek banesa e Blerim Shales, Artan Behramit, Ismajl Sylës, Bashkim Smakajt, ky i fundit ishte edhe shef i AKI-së si dhe është bastisur shtëpia e ish-kryetarit të Malisheves, Isni Kilajt.
