Pjesë e kësaj ceremonie së bashku me liderë nga e gjithë bota, janë edhe presidentja e Kosovës, Vjosa Osmani si dhe kryeministri Albin Kurti.
Ceremonia e varrimit të Albrightit mbahet në Washington.
“Kryeministri i Republikës së Kosovës, Albin Kurti dhe Presidentja e Republikës së Kosovës, Vjosa Osmani, së bashku me liderë nga e gjithë bota, sot marrin pjesë në ceremoninë e varrimit të ish-Sekretares amerikane të Shtetit, Madeleine Albright, në Washington”, është bërë e ditur në njoftimin e Qeverisë.
Kujtojmë se më 23 mars, në moshën 84-vjeçare ka vdekur ish-sekretarja e SHBA-së, Madeleine Albright.
Albright ishte sekretare e Shteteve të Bashkuara të Amerikës gjatë luftës në Kosovë.
Ajo pati një ndikim të madh për të bindur SHBA-në dhe botën për krimet që po kryheshin në Kosovë nga shteti serb. /teve1.info/
