Familja Begu dhe Brovina kanë njoftuar për ceremoninë mortore dhe homazhet në nderim të veprimtares, poetes dhe mjekes Flora Brovina, e cila ka ndërruar jetë.
Ceremonia përkujtimore do të nisë sot në orën 10:00, në Sallën e Kuqe të Pallatit të Rinisë, ku do të përkujtohet jeta dhe veprimtaria e saj.
Pas ceremonisë përkujtimore, nga ora 11:30 deri në 14:30, në Hollin e Kuvendit të Kosovës do të zhvillohen homazhe në nderim të Flora Brovinës.
Detajet për ceremoninë e varrimit do të bëhen të ditura nga familja.
