Një sondazh i ri nga firma kërkimore Gallup sugjeron se vetëm 32 përqind e amerikanëve e miratojnë veprimin ushtarak të Izraelit në Gaza, një rënie prej 10 pikësh nga shtatori 2024, ndërsa zemërimi për mizoritë kundër palestinezëve vazhdon të rritet .
Sondazhi, i publikuar të martën, tregoi gjithashtu një përçarje të madhe partiake mbi këtë çështje, shkruan Al Jazeera.
Shtatëdhjetë e një përqind e të anketuarve që u identifikuan si anëtarë të Partisë Republikane thanë se e miratojnë sjelljen e Izraelit, krahasuar me 8 përqind të demokratëve.
Në përgjithësi, 60 përqind e të anketuarve thanë se nuk e miratojnë veprimin ushtarak të Izraelit në Gaza.
