Kryetari i Aleancës për Ardhmërinë e Kosovës (AAK), Ramush Haradinaj, ka qëndruar sot për vizitë në Pentagon, ku është pritur në takim nga Alton Buland, drejtor Kryesor për Evropën dhe Politikat e NATO-s në Zyrën e Sekretarit të Luftës së Shteteve të Bashkuara të Amerikës.
Gjatë takimit, Haradinaj ka theksuar se Kosova do të mbetet gjithmonë mirënjohëse ndaj popullit dhe shtetit amerikan për mbështetjen e vazhdueshme.
Ai ka nënvizuar se momenti aktual paraqet kohën e duhur për anëtarësimin e Kosovës në NATO, duke theksuar rëndësinë strategjike të këtij procesi për sigurinë rajonale dhe ndërkombëtare.
Në këtë frymë, Haradinaj ka deklaruar se Ushtria e Kosovës do të qëndrojë gjithmonë krah për krah me Ushtrinë e Shteteve të Bashkuara të Amerikës dhe me ushtritë e vendeve anëtare të Aleancës Veri-Atlantike.
