Kiana Kryeziu dhe Drin Kokaj, sportistët e vetëm që përfaqësojnë Kosovën në Lojërat Olimpike Dimërore “Milano Corina” janë të gatshëm për lëshim.
Skitarët e Kosovës, janë dy prej sportistëve të 92 shteteve që do të marrin pjesë në Lojërat Olimpike Dimërore, që nisën të premten e shkuar dhe do të përfundojnë më datën 22 shkurt.
Kiana Kryeziu do të lëshohet e para, ndërsa do ta garojë në tri disiplina të ndryshme të skijimit alpin.
Për Kryeziun, kjo është hera e dytë që paraqitet në Lojërat Olimpike Dimërore pas debutimit para katër vjetësh në Pekin.
Kryeziu do t’i ketë lëshimet më 12, 15 dhe 18 shkurt kurse Drin Kokaj që debuton në këtë ngjarje, do ta ketë lëshimin më 16 shkurt dhe do të garojë në disiplinën e sllallomit.
Kosova paraqitet për herë të tretë në Lojëra Olimpike Dimërore, ndërsa rezultatin më të mirë deri më tani e ka me Albin Tahirin në kombinim alpin, para katër vjetësh.
Tahiri, tashmë i tërhequr nga skijimi, ishte renditur i 15-ti.
