Policia e Kosovës ka bërë të ditur se janë arrestuar tre persona të kërkuar në Podujevë, të cilët ishin të dënuar për vepra të ndryshme penale.
Sipas Policisë, njëri nga të arrestuarit ishte dënuar me katër vjet burgim , personi i dytë me dy vjet burgim për grabitje ndërsa personi i tretë kërkohej për veprën penale “Mbajtja në pronësi, kontroll ose posedim i paautorizuar i armëve”.
“I arrestuari A. F., 38 vjeç, ishte i kërkuar për veprat penale ‘Grabitje dhe vjedhje grabitqare në tentativë’, për të cilat ishte dënuar me 4 vite burgim.Ndërkaq, i arrestuari tjetër, A. F., 42 vjeç, ishte në kërkim për veprën penale ‘Grabitje’, për të cilën ishte dënuar me 2 vite burgim.Po ashtu, është arrestuar edhe L. J., 27 vjeç, i cili ishte në kërkim për veprën penale ‘Mbajtje në pronësi, kontroll ose posedim të paautorizuar të armëve’”,thuhet në njoftimin e PK-së.
Pas arrestimit dhe përfundimit të procedurave policore, të tre personat janë dërguar në vuajtje të dënimit, në përputhje me vendimet e gjykatës./teve1.info/
