Pemët dhe perimet mbeten ndër produktet kryesore në tryezën e çdo familje.
Megjithatë, çmimet e tyre këtë vit nuk janë të kënaqshme për shumë blerës në Tregun e Gjelbër në Prishtinë.
Veçanërisht për pensionistët, kjo rritje konsiderohet e lartë krahasuar me pensionin e tyre.
“Çmimet mas shtrejti jonë ardh, sen lirë s’ka, sen so metë…. Senet jonë rrit tanat, krejt katastrof, s’ka senë lirë s’u mbet kurgjo. Çka me bo me 120 plaku me penzi, ilaqe si dalin”, tha qytetari.
“Po qysh s’jon të shtrejta. S’ki çka i sheh, çka i kqyr hiq….S’din pse me dal. Del s’mundesh me ble kurgjo. Kthehesh pash zotin, a merr një diçka qehtu si qeto a s’merr edhe shkon te shtëpija thatë”, tha një qytetar tjetër.
Por çmimet në Tregun e Gjelbër nuk po i sheh shumë të larta Fefzie Dauti.
Sipas saj, pemët dhe perimet po janë më të freskta në treg se sa në market.
“Për mu janë normale. Çdo gjë është shtrajtu. Edhe këta normal që nuk munden me i dhonë lirë se e bëjnë mundin. Për mu është krejt në rregull. Jonë me të freskta, janë më lirë”, u shpreh Fefzie Dauti.
E rritje, sipas Beqir Avdiut, shitës në Tregun e Gjelbër, ka vetëm në ato produkte të importuara nga jashtë vendit.
“Shembull te mollat i kemi pak ma shtrejtë, se këto temperatura, e dini edhe vetë se i pa dëmtu. Ka qenë ftoft, bash kur ke fillimi i tyre në frut i dëmtoi dhe tash çdo mall që vjen nga jashti, normal që është çmim më i shtrejtë. A këto tjera produktet çka i kena shembull perimet, lakna është lirë, trangujt qashtu, qepa, patatet krejt jonë çmime shumë të arsyshme”, tha shitësi në Tregun e Gjelbër në Prishtinë.
Se këto produkte mund të vazhdojnë të kenë rritje e thonë nga Organizata Joqeveritare “Konsumatori”.
“Duhet ta kemi të qartë se një guralec shëndrohet në një bos bore ajo më pas e tërhek tegun. Dhe kur në treg nis ajo nuk ka të nalur deri sa të përfundojë rrugën. Dhe rruga e çmimit është rrugë pa kthim, njësoj si orteku dhe nuk do të ketë ndalje përderisa nuk mbarojnë arsyjet. Ne në vend se të ballafaqohemi me arsyje t’i ndalim ato, ne po krijojmë probleme të reja në mënyrë që të merremi me pasojat”, tha Selatin Kaçaniku nga Organizata Joqeveritare “Konsumaori”.
Për rritje çmimesh në vend, ka vazhdimisht ankesa nga qytetarët.
Kronikë e realizuar nga gazetarja, Adea Mustafaj.
