Situata në Leposaviq aktualisht është e qetë.
Kështu ka bërë të ditur, gazetarja e Tëvë1, Fetije Kamberi përmes një lidhje direkte nga Leposaviqi.
Ajo ka thënë se atje ka pjesëtarë të KFOR-it, teksa ka thënë se në atë zonë gjendjen edhe dy autoblinda të Policisë së Kosovës, por që pjesëtarë të Policisë nuk ka.
“Situata aktualisht është e qetë edhe pse pak momente më herët rreth dy orë më herët nuk ishte kaq e qetë për shkak që janë sulmuar të gjithë mediat shqiptarët të cilët po raportojnë në Komunën e Leposaviqit”, raportoi Kamberi.
Gazetarja e Tëvë1, raportoi edhe për thyerjen e kamerës së kamermanit, Egzon Jashari, teksa tha se kjo gjë ndodhi pasi që protestuesit serbë kërkonin që të ndalohej xhirimi i protestuesve dhe personave të maskuar.
“Edhe kamermanit, Egzon Jashari i’a thyen kamerën për shkak që ai ka vazhduar të xhiroj edhe pse ata kërkonin që të ndalet xhirimi”, tha ajo.
Tutje Kamberi ka raportuar se kryetari i Komunës së Leposaviqit, Lulzim Jashari gjendet ende brenda objektit të Komunës së Leposaviqit, teksa ka thënë se protestuesit serbë kanë bërë thirrje me këngë që ai të dalë jashtë objektit të Komunës me thirrje “Lulzim shko në shtëpi”.
