Situata në Komunën e Drenasit pas vërshimeve vazhdon të jetë e rëndë, ndonëse ka një përmirësim nga dita e martë.
Këtë e ka bërë të ditur, drejtori i Shërbimeve Publike dhe Emergjencave Nexhmedin Gruda.
Ai në emision “Mesditë” në Tëvë1, tha se zonat më të prekura nga vërshimet janë qendra e qytetit dhe fshatrat për rreth.
“Kryesisht qendra e Drenasit dhe fshatrat për rreth, Poklek i ri, Çikatovë e re, Shtrubullovë . Ekipet emergjent dhe të gjitha ekipet janë në teren dhe po bëjmë të pamundurën për qenë sa më afër qytetarëve”, ka thënë ai.
Gruda bëri ditur se nuk ka pasur evakuim të familjeve si pasojë e vërshimeve, por disa familje me vet dëshirë janë strehuar tek të afërmit e tyre.
Ai tha se pas qetësimit të situatës do të bëhet vlerësimi i dëmeve të shkaktuara.
