Sindikata e minatorëve të “Trepçës” ka reaguar për gjendjen jo të mirë siç është thënë të minatorëve dhe kushteve të rënda të punës.
Në një reagim nga kjo sindikatë është shprehur pakënaqësi edhe pagat e ulëta, sigurinë në punë, mospagesën e trustit pensional, mosrespektim e të drejtave ligjore dhe mungesën e investimeve në ndërmarrje.
Nga kjo sindikatë është thënë se barra e keqmenaxhimit po u ngarkohet minatorëve.
“Është e dhimbshme dhe zhgënjyese se si nuk ka gatishmëri për të gjetur zgjidhje për minatorët dh po u ngarkohet barra e keqmenaxhimit të ndërmarrjes tash e 26 vite. Kjo sipas logjikës së tashme, përgjegjësinë dhe pasojat po i bartin minatorët, por pa u ngarkuar përgjegjësia dhe llogaridhënia atyre që keqmenaxhuan, ndërsa nga minatorët po kërkohet ringritja e Trepçës”, thuhet në reagim.
Kjo sindikatë ka thënë se ndërmarrja nuk mund të ringritet pa investime nga shteti.
Poashtu sindikata ka shprehur shqetësime edhe për largimin nga puna të disa minatorëve duke thënë se po bëhet në mënyrë burokratike e show në rrjetet sociale.
“Tashmë të gjithë e dimë se si po përballemi në mungesë të mjeteve të punës, në një mikroklimë ku çdo ditë po na grryen shëndetin nga brenda. Kurse këta të gjithë po vijnë e po shkojnë me premtime për ringritje, e minatorët po mbesin pa ju ndryshuar gjendja, vetëm duke ju rënduar situata. Në mungesë të përmirësimit të kushteve të punës, largime pa proceduar në mënyrë burokratike, në show në faqe të facebook dhe mos pagesën e trustit pensional që nga viti 2019, duke paguar vetëm disa periudha të shkurta”, thuhet tutje./teve1.info/
