Pas një serie të rezultateve negative, Sigal Prishtina synon të kthehet tek fitorja në Ligën Ballkanike. Skuadra nga kryeqyteti do të jetë mysafire e Plevlës së Malit të Zi, ndeshje kjo që luhet sot prej orës 17:30.
Për Prishtinën, kjo do të jetë ndeshja e gjashtë në Ligën Ballkanike, ku në pesë duele të luajtura deri më tani, ka regjistruar 3 fitore e 2 humbje.
Në fakt, Prishtina ndaj Plevlës futet pas një serie prej katër humbjeve, tri në Superligën e Kosovës dhe një në Ligën Ballkanike. Shkaku i këtyre humbjeve, Prishtina në fillim të kësaj jave njoftoi për largimin e trajnerit nga Kroacia, Jaksha Vuliq.
Megjithatë, Prishtina llogaritet favorit i madh ndaj Plevlës, ekip që në gjashtë ndeshje të luajtura në Ligën Ballkanike ka po aq humbje. Zë vendin e fundit në tabelë me 6 pikë, dy më pak se Prishtina që është e parafundit. Krahas Prishtinës, këtë edicion në Ligën Ballkanike po merr pjesë edhe skuadra e Pejës.
