Rëndom në biblioteka qytetarët shkojnë të marrin dhe të kthejnë librat pas leximit të tyre.
Por kështu nuk ndodhi në bibliotekën e fshatit Komogllavë të Ferizaj.
Ky institucion, ishte cak i disa personave që kishin hyrë për të kryer vepër penale.
Nga biblioteka hajnat kishin vjedhur dy ekzemplarë me libra si dhe një fshesë elektrike.
“Unë të premten në ora 3 e gjysmë e mbylla bibliotekën e kam lënë krejt në rregull, pastaj ishte vikend, të hënë kur erdha e pashë që para dera ishte përtoke, ndërsa tjetra e qelur, e lajmërova drejtoreshën tonë Teutë Demiri, ajo më tha thirre policinë”, ka thënë Rifadije Mehmeti- bibliotekiste.
Tutje bibliotekistja thotë se librat janë vjedhur për qëllime të tjera, pasi pohon që nuk ka interesim të nxënësve për të lexuar.
“Ato libra janë të rëndësishme për ti lexuar për ata që kanë dëshirë sepse ata qëskanë dëshirë kanë ardhur vetëm me bë një dëm sepse ata që i vjedhin librat kuptohet që nuk i lexojnë”, ka thënë ajo.
Rasti është evidentuar edhe në policinë e Kosovës.
Ankuesja femër kosovare, ka raportuar se person-a të panjohur me forcë kanë depërtuar në objektin e shkollës duke thyer derën e bibliotekës dhe nga aty kanë vjedhur dy komplete me libra dhe një fshesë elektrike. Nuk raportohet për të arrestuar.
Kjo nuk është hera e parë që është vjedhur kjo bibliotekë, pasi nga ky institucion kanë thënë që edhe para dy viteve kanë pasur një rast të tillë.
