Gjykata Themelore në Pejë e ka shtyer për një datë tjetër seancën e paraparë për të martën ndaj Edmond Lajçit, të dyshuarit për vrasjen e bashkëshortes Gjylieta Ukella në banesën e tyre më 16 prillit në Pejë.
Lajmin e ka bërë të ditur avokatja e palës së dëmtuar, Fehmije Gashi-Bytyqi nëpërmjet një postimi në Facebook, ku po ashtu ka thënë se gjykimi do të shtyhet për shkak se mungon mbrojtësja e te akuzuarit Edmond Lajçi.
“Gjykata Themelore ne Peje sapo me njoftuan se gjykimi i palinifikuar neser ne rastin e vrasjes se Gjylieta Ukella shtyhet per nje date tjeter per arsye se mungon mbrojtesja e te akuzuarit E.L”, ka shkruar ajo.
Seanca ndaj Edmond Lajçit ishte caktuar të mbahet më 17 dhjetor.
Lajçi akuzohet se me datë 16 prill të vitit 2024, rreth orës 8:00 të mëngjesit, në banesën e tij në Pejë, ka privuar nga jeta me armë zjarri bashkëshorten e tij, Gjyljeta Ukella./teve1.info/
Më 17 dhjetor, mbahet seanca ndaj Edmond Lajçit për vrasjen e gruas në Pejë
