Një person shtetas polak është arrestuar, pasi që i njëjti dyshohet se ka sulmuar fizikisht dy zyrtarë policorë dhe ka shkaktuar probleme me pasagjeret në Aeroportin Ndërkombëtar të Prishtinës “Adem Jashari”.
Njëri nga zyrtarët policorë si pasojë e sulmit ka pësuar lëndime trupore me ç’rast është dërguar për tretman mjekësor.
Ndërkohë, me vendim të prokurorit i dyshuari pas trajtimit mjekësor në QKUK, në Klinikën e Psikiatris është dërguar në mbajtje.
Policia e Kosovës në raportin 24-orësh thotë se ky rast është ende duke u hetuar.
“ANP-së, Adem Jashari 12.08.2023-13:45. Është arrestuar i dyshuari mashkull shtetas polak, pasi që i njëjti ka shkaktuar probleme me pasagjerët ndërkohë i ka sulmuar fizikisht dy zyrtarë policorë dhe si pasojë njëri prej tyre ka pësuar lëndime trupore dhe ka pranuar tretman mjekësor. Me vendim të prokurorit, i dyshuari pas tretmanit mjekësor në QKUK (Psikiatri) është dërguar në mbajtje, rasti në procedurë hetimore”, thuhet në njoftimin e Policisë së Kosovës./teve1.info/
