Skuadra e Gjilanit brenda pak ditëve pritet ta emërojë trajnerin e ri pas largimit të Ardian Nuhiut.
Analisti i emisionit “VAR” në Tëvë 1, Robert Gjeraj ka zbuluar se trajneri i ardhshëm i Gjilanit do të jetë nga Shqipëria.
Ai ka zbuluar se drejtuesit e Gjilanit, gjatë ditës së shtunë kanë qenë në Tiranë dhe janë takuar me trajnerët Shpëtim Duro e Gugash Magani.
Të dy trajnerët kanë biseduar, por sipas Gjerat është Duro, ai që pritet ta marrë drejtimin e skuadrës gjilanase.
“Shpëtim Duro e Gugash Magani, kanë mbajtur takime me këta trajnerë në Tiranë. Duro është 90 për qind trajner i Gjilanit”, ka thënë ndër të tjera Gjeraj.
Duro ka punuar edhe më herët në Kosovë, ku ka drejtuar skuadrën e Dritës dhe të Suharekës.
Gjilani, të hënën prej orës 15:00 përballet me skuadrën e Dritës në kuadër të xhiros së tetë të Superligës së Kosovës në futboll.
