Një granatë e dorës ka shpërthyer rreth mesnatës në rrugën “Fahri Fazliu” në Prishtinë, raporton teve1.info
Sipas raportit të Policisë së Kosovës, si pasojë e shpërthimit afër shtëpive të banimit, janë shkaktuar edhe dëme materiale në prona dhe vetura.
Rasti po hetohet nga Prokuroria.
“Rr. Fahri Fazliu, Prishtinë 22.11.2023-23:45. Njësitet policore pas pranimit të informatës për një shpërthim, kanë dalë në vendin e ngjarjes, dhe kanë takuar dy ankuese kosovare, të cilat kanë deklaruar se si pasojë e shpërthimit në afërsi të shtëpive të tyre u janë shkaktuar dëme materiale në pronat e tyre dhe në një veturë. Në vendin e ngjarjes kanë dalë edhe njësitet e PK-së për deminim, ku dyshohet se mjeti shpërthyes ka qenë garantë dore, i cili ka shpërthyer në rrethana (ende) të panjohura. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në komunikatë.
