Për nder të muajit të shenjtë të Ramazanit, Drejtoria e Mirëqenies e Komunës së Mitrovicë ka shpërndarë mbi 1 mijë e 200 pako ushqimore për familjet në nevojë.
Sipas njoftimit zyrtar, aksioni humanitar është realizuar në bashkëpunim me partnerë dhe donatorë, me qëllim mbështetjen e familjeve përfituese të asistencës sociale dhe kategorive më të cenueshme.
Drejtori i Drejtorisë së Mirëqenies në këtë komunë, Ramadan Beshiri, ka theksuar se përkushtimi institucional ka qenë maksimal gjatë këtij aksioni, duke bërë të mundur që ndihmat të arrijnë tek çdo familje përfituese.
“Në raste të veçanta, ndihmat janë shpërndarë edhe në orët e vona për familjet që nuk kishin mundësi të lëvizin”, ka deklaruar ai.
