Fotografia e heroit Basri Canolli, është vendosur në mes të portretëve të dy prej figurave kryesore të Ushtrisë Çlirimtare të Kosovës. (Pamja e fotografisë në mes të Ademit edhe Zahirit)
Kështu u nderua figura e luftëtarit që në fushëbetejë u njoh si Shpendi, dhe ishte pjesë e rëndësishme e Brigadës 153 të UÇK-së.
Në tubimin përkujtimor në 27 vjetorin e rënies, dëshmori Basri Canolli u kujtua me fjalët më të mira.
“Shpendi nga të parët ju bashku UÇK-së në këtë pjesë të Gollakut, pa fjalë shumë por me shumë punë. Një djalë që ishte edhe i logjistikës edhe i rreshtit të ushtrisë edhe i aksioneve guerile edhe ai që është patriot e luftëtari i vërtetë i vendit të vet”, tha Ahmet Isufi, ish-komandat i zonës së Karadakut.
Shpendin si luftëtar të zotin e kujton edhe komandanti i zonës së Dukagjinit, Ramush Haradinaj.
“Në vërtet jetojmë në rajone të ndryshme, këta që jetojnë në këtë zonë e kanë mbajtur gjallë luftën pra siç e dimë është një zonë kufitare, një zonë jo e lehtë me i kryer detyrat e luftës për liri. Njëkohësisht i falënderoj që nuk janë ndal deri në lirinë e plot të kësaj treve si rasti i Bastriut, ai e ka kryer detyrën e luftëtarit dhe të ushtarit”, u shpreh Ramush Haradinaj, ish – komandant i zonës së Dukagjinit.
Për Basriun, vështirë e kishte të fliste komandanti Adem Shehu.
“Të flasësh për Bastriun emocione të kaplojnë dhe nuk është e lehtë. Të flasësh për Bastriun – Shpendin, i cili, u rrit dhe edukua me një frymë patriotike liridashëse, model i odave të malësorëve, ku veni i atyre dhomave që trashëguan tek brezat njëri pas tjetrit figurat eminentet të kombit shqiptar. Në moment të caktuara Bastriu u rreshtua me UÇK-në , po para kësaj date reprezaljet e pushtuesit serb arrin deri aty që t ii vendosin thikën, në prani të nënës për të eliminuar për të gjetur armë, e municione në këto bjeshkë të kulluara”, tha Adem Shehu, ish – komandant.
Të pranishëm në këtë tubim përkujtimor ishin edhe zyrtarë të komunës së Prishtinës.
BESIANË MUSMUARTI – NËNKRYETARE E PRISHTINËS 00:30-00;42
“Kujtimi për ta të mos harrohet asnjëherë e Kosova të jetë e lirë dhe e zhvilluar. I përjetshëm qoftë kujtimi për heroin Basri Canolli, lavdi e përjetshme për Ushtrinë Çlirimtarë të Kosovës”, tha Besianë Musmurati –nënkryetare e Prishtinës.
Në nderim të dëshmorit, këtë përvjetor u kënduan dhe u interpretuan vargje për të.
