Kryetari i Fushë-Kosovës, Valon Prebreza ka njoftuar se komuna ka shpallur gjendje emergjente në sektorin e menaxhimit të mbeturinave.
Përmes një njoftimi publik, Prebreza ka kërkuar mirëkuptimin e qytetarëve për situatën e krijuar, duke siguruar se institucionet komunale janë duke punuar për zgjidhjen sa më të shpejtë të problemit.
Ai ka bërë thirrje për durim dhe bashkëpunim nga qytetarët, derisa të normalizohet gjendja në këtë sektor.
“Sot kemi shpallur gjendje emergjente në sektorin e mbeturinave. Kërkojmë mirëkuptimin dhe ju sigurojmë se ky problem do të zgjidhet shumë shpejt. Ju faleminderit për durimin dhe bashkëpunimin tuaj”, ka deklaruar Prebreza./teve1.info/
