Të paktën 164 persona kanë vdekur dhe 971 të tjerë janë plagosur në Venezuelë, pasi vendi u godit nga dy tërmete të fuqishme, tha presidentja në detyrë Delcy Rodriguez, raporton AP.
Shifrat e fundit shënojnë një rritje të ndjeshme nga një numër i raportuar më parë prej 32 të vdekurish dhe 700 të plagosurish. Autoritetet kanë frikë se numri mund të rritet më tej ndërsa përpjekjet e shpëtimit vazhdojnë.
Tërmetet e djeshme me magnitudë 7.2 dhe 7.5 ballë ishin ndër më të fuqishmit që kanë goditur Venezuelën në më shumë se një shekull.
Rodriguez tha se autoritetet po zhvendosnin ekipet e shpëtimit nga pjesë të tjera të vendit në zonën më të goditur La Guaira, e cila ndodhet në veri të kryeqytetit Karakas.
“Dhjetëra ndërtesa janë shembur atje… dhe aktualisht po kryejmë operacione intensive shpëtimi për të shpëtuar jetë”, tha ajo.
