Nuk ka shumë ditë, që ky objekt u bë me sigurim fizik.
E prezenca e tyre në shkollën fillore “Pavarësia” në kryeqytet, u mirëprit nga prindërit.
“Siguri e lartë, jemi të kënaqur me sigurimet që i kanë sjellë në shkollën “ Pavarësia”, për arsye se jemi më të sigurt ndaj fëmijëve është një lloj sigurie më e mirë”, thotë Mentor Doberlani – prind.
Mirëpo pagesa për personelin fizik do të bëhet nga vetë prindërit.
Këtë, këta të fundit, nuk po e shohin si vendim të duhur.
“Kanë me bo prindërit, por nuk është një arsye shumë e mirë për arsye se shteti duhet me i bë këto pagesa, pse me i bë prindërit e me i angazhuar prindërit për sigurim. Shteti duhet me ndërmarrë me paguar sigurimin”, thotë ai.
Por, prania e dy personave për të siguruar gjithë objektin, dikujt nuk po i mjafton.
“E pash që i kanë caktuar disa sigurima me i pagu prindërit nga 2 euro çdo muaj. Këtu është deshtë me kanë ndonjë patrullë e Policisë se sigurimi nuk mundet me bo asgjë këtu, se këtu ka lloj-lloj njerëzish…Për disa prind që kanë bën deri diku, por vendim i mirë nuk është hiç, por nejse. Për pagesë për shembull unë mundem me paguar, por diku nuk ka mundësi me paguar thotë Benet Haxhia, njw tjetër prind qw ka fëmijw në këtë shkollë.
Të kundërtën e thotë drejtori i shkollës “Pavarësia”, Halil Brahaj.
“Janë bërë të gjitha planifikimet me kohë që sigurimi të behët përmes pagesës nga komuniteti i prindërve. Që është diku një euro për muaj jo siç është raportuar nga dy euro, por nga një euro”, thotë Halil Brahaj – drejtor i shkollës..
Brahaj tregoi se edhe prej nga erdhi ky vendim.
“Kjo ka ardhë si nevojë, ngase pas procesit mësimor e gjatë pushimeve të gjata nxënësit shpesh herë përfshihen në përleshje edhe me personat e tjerë, nxënës të shkollave të tjera, persona që nuk janë fare nxënës e kjo i ka shtyrë shumë prindër që të mendojnë e të iniciojnë nevojë për siguri edhe gjatë procesit mësimor në oborrin e shkollës, jashtë objektit fizik të shkollës”, ka thwnw ai.
Shkolla fillore e mesme e ulët “Pavarësia” në Prishtinë ka afro 1900 nxënës.
