Gjenerata U9 e shkollës së futbollit “Zidane” që drejtohet nga ish-futbollisti i mirënjohur Muhamet Dragusha ka arritur një sukses të jashtëzakonshëm në daljen e parë në arenën ndërkombëtare.
Vikendin e shkuar, ekipi U9 i SHF “Zidane” mori pjesë në një turne të ogarnizuar në Basel të Zvicrës, në të cilin edhe doli i pari.
Pjesëmarrjen e SHF “Zidane” e mundësoi klubi shqiptar i futboll Dardania me seli në Basel.
FC Dardania që udhëhiqet me sukses nga Tahir Çitaku (president), Xheladin Shala (zv.president) dhe drejtori sportiv Besim Bublica, i ka bërë ftesë SHF “Zidane” për pjesëmarrje në këtë turne që u zhvillua të shtunën dhe dielën e shkuar në Basel.
Në fund të këtij turneu dy ditorë, futbollist e rinj të SHF “Zidane” e ngritën trofeun e më të mirit pasi përfunduan të parët pas paraqitjeve të mira që i treguan.
Ata lanë përshtypje të mirë me atë që treguan në fushë, pasi arritën të mposhtin disa prej gjeneratave U9 të skuadrave të njohura zvicerane dhe bënë edhe shikuesit për vete.
Suksesi në Basel për talentet premtues, erdhi pasi dolën të parët në një turne tjetër të mbajtur në Durrës.
Futbollistët e rinj që sollën në Prishtinë trofeun nga Baseli dhe përfaqësuan SHF “Zidane” në mënyrën më të mirë të mundshme, ishin: Reis Shala, Diell Shatrolli, Art Rrahmani, Lekë Krasniqi, Mal Tmava, Kaon Dibrani, Ari Celina, Nil Dedinca, Aron Sheholli dhe Art Kelmendi.
Të gjithë pjesëmarrësit nga SHF “Zidane” që ishin të pranishëm në Basel, kanë falënderuar organizatorët e turneut për ftesën, pritjen e ngrohtë, kujdesin dhe përkushtimin që e treguan gjatë kohës sa ishin në Basel.
