Shkëndija e Tetovës, sot prej orës 18:45 luan ndeshjen kthyese të play-offit të fazës nokaut të Ligës së Konferencës.
Skuadra tetovare duelin e kthimit e luan në Turqi përballë Samsunsporit, ekip që para një jave triumfoi 1:0 në Shkup.
Te Shkëndija kanë vlerësuar lart Samsunsporin dhe e kanë vlerësuar favorit për të kaluar në 1/8 e finales, por kanë insistuar se nuk do të dorëzohen deri në fund.
Trajneri Jeton Beqiri ka premtuar se Shkëndija do të japë maksimumin dhe do të mundohet të ketë një paraqitje sa më të mirë përball Samsunsporit.
E skuadrën turke shumë të fortë e ka vlerësuar edhe mesfushori i Shkëndijës, Sebastjan Spahiu, i cili ka premtuar se tetovarët do ta tentojnë kalimin në 1/8 e finales të Ligës së Konferencës.
Shkëndija e Tetovës shkroi histori duke arritur deri në këtë rreth të garës, pasi fazën e ligës përfundoi në pozitën e 22-të, duke grumbulluar shtatë pikë.
