Një aksident trafiku me lëndime trupore dhe dëme materiale ka ndodhur dy ditë më parë në Prishtinë, ku një shofer është larguar nga vendi i ngjarjes pas përplasjes.
Sipas njoftimit nga Policia e Kosovës automjeti kishte goditur dy vetura të tjera, duke shkaktuar lëndime trupore te katër persona, si dhe dëme materiale në automjetet e përfshira në aksident.
Pas pranimit të informatës, Njësiti i Trafikut thuhet se ka dalë menjëherë në vendin e ngjarjes dhe ka ndërmarrë veprimet e nevojshme hetimore për sqarimin e rrethanave të aksidentit.
Si rezultat i hetimeve, Policia ka arritur të identifikojë dhe lokalizojë shoferin e dyshuar, ndaj të cilit janë ndërmarrë masat ligjore në përputhje me legjislacionin në fuqi. /teve1.info/
