Deri në 200 për qind është rritur vlera e tatimit në pronë gjatë këtij viti, pasi Ministria e Financave ka bërë rivlerësimin e pronave.
Nga Asociacioni i Komunave të Kosovës thonë se kanë kërkuar nga Ministria që ta pezullojë këtë vendim dhe se qytetarët ta paguajnë çmimin e njëjtë me vitin paraprak.
Drejtori i AKK-së për Tëvë1 tregon se si pasojë e kësaj, ka rënie drastike në nivel vendi në inkasimin e të hyrave nga tatimi në pronë.
Edhe qytetarët e intervistuar nga tëvë1 kërkojnë që një çmim i tillë të ulet për shkak edhe të rritjes së inflacionit.
Sipas ekonomistit, Mustafë Kadrijaj kjo rritje është një arsye më shumë për ikjen e qytetarëve nga vendi, teksa kërkoi që një vendim i tillë të anulohet.
Televizioni ka tentuar të marrë përgjigje nga Ministria e Financave se a janë duke e shqyrtuar kërkesën e komunave, por që nuk ka pasur përgjigje.
Kronika e realizuar nga gazetari Lindrit Zejnullahu
