Në trevjetorin e vrasjes së rreshterit të Policisë së Kosovës, Afrim Bunjaku, i cili u vra më 24 shtator 2023 gjatë një sulmi terrorist në Banjskë të Zveçanit, atë e ka përkujtuar edhe Misioni i Bashkimit Evropian për Sundimin e Ligjit në Kosovë (EULEX).
Pas ceremonisë zyrtare përkujtimore të mbajtur në fshatin Samadrexhë, shefi i Misionit EULEX, Antero Lopes, ka nderuar kujtimin e Bunjakut dhe ka kërkuar që përgjegjësit për vrasjen e tij të dalin para drejtësisë.
“Ishte një nder i veçantë për mua ta nderoj kujtimin e tij dhe sakrificën e tij sublime në mbrojtje të sundimit të ligjit. Përgjegjësit duhet të sillen para drejtësisë”, ka deklaruar Lopes./teve1.info/
