Ambasada amerikane në Kosovë ka shprehur shqetësim për mbylljen e zyrave të mirëqenies së Serbisë në Kosovë.
Sipas kësaj ambasade veprime të tilla ndikojnë negativisht te mijëra qytetarë të Kosovës, si dhe rrezikojnë krijimin e pasojave negative për të ardhmen e Kosovës në Evropë.
Në reagim po ashtu thuhet se këto veprime rrezikojnë të krijojnë pasoja negative edhe për marrëdhëniet dypalëshe.
”Ambasada e SHBA është e shqetësuar nga mbylljet e papritura dhe të pakoordinuara të zyrave të mirëqenies së Serbisë në Kosovë. Këto dhe veprime të ngjashme ndikojnë negativisht në mijëra qytetarë të Kosovës dhe rrezikojnë të krijojnë pasoja negative për të ardhmen e Kosovës në Evropë dhe marrëdhëniet tona dypalësh”, thuhet në një reagim të ambasadës amerikane në platformën “X”
The U.S. Embassy is concerned by the abrupt and uncoordinated closures of Serbia-run welfare offices in Kosovo. These and similar actions negatively impact thousands of Kosovan citizens and risk creating negative consequences for Kosovo’s future in Europe and our bilateral…
— U.S. Embassy Pristina (@USEmbPristina) February 23, 2025
Policia e Kosovës të premten ka mbyllur katër qendra ilegale në veri, të cilat sipas Policisë u shfrytëzuan për t’u bërë presion serbëve për ta votuar Listën Serbe në zgjedhjet e 9 shkurtit.
Mbyllen katër qendra ilegale në veri, kërkuan vota për Listën Serbe
