Folarin Balogun ka shënuar dy gola për ta udhëhequr përfaqësuesen e SHBA-së në futboll drejt fitores bindëse në ndeshjen e parë të Kupës së Botës.
Të shtunën në orët e mëngjesit, SHBA-ja fitoi 4:1 në Los Angeles ndaj Paraguait.
Fituesi thuajse u vendos në pjesën e parë të ndeshjes së Grupit D.
Mesfushori i Paraguait, Damian Bobadilla realizoi autogol që në minutën e shtatë.
Ndërkohë sulmuesi 24-vjeçar, Balogun, shënoi në minutën e 31-të dhe në minutën e pestë shtesë të pjesës së parë për rezultatin 3:0.
Amerikanët pësuan gol në minutën e 73-të, kur realizoi Mauricio. Por fitorja e tyre nuk u rrezikua.
Giovanni Reyna realizoi në minutën e tetë shtesë për 4:1.
Në Grupin D janë edhe Australia e Turqia, që përballen të dielën në mëngjes në Vancouver të Kanadasë.
