Kandidatja e PSD-së për kryetare të Prishtinës, Besa Shahini, ka zhvilluar një takim me banorët e fshatit Prugovc, ku është diskutuar për problemet infrastrukturore me të cilat ata përballen.
Gjatë takimit, Shahini ka premtuar se këto çështje do të trajtohen me prioritet, duke premtuar lidhjen e plotë të Prugovcit me kryeqytetin.
“Vetëm 12 km larg qytetit, por i shkëputur për shkak të mungesës së infrastrukturës. Biseduam për 200 metra rrugë që nuk shtrohen tash e 4 vite, ndriçimin që mungon, stacionin e autobusit pa pritore dhe mungesën e linjës së rregullt të autobusit”, shkroi në Facebook, Shahini.
