Aventura e Sergio Busquets me fanellën e Barcelonës pritet të vazhdoj ende.
Sipas raportimeve nga mediat spanjolle, mesfushori i Barcelonës, është në prag të rinovimit të kontratës së tij me klubin katalan. Disa persona në dhomën e zhveshjes tashmë veq se janë informuar rreth vendimit të 34-vjeçarit.
Kontrata aktuale e Busquets me Barcelonën skadon në fund të këtij edicioni, dhe trajneri i blaugranasve Xavi, ka kërkuar me ngulm rinovimin e kontratës së mesfushorit për të paktën edhe një vit tjetër.
Barcelona i ka bërë atij një ofertë formale 1 vjeçare me një pagë prej 7 milionë eurosh për sezon, me një opsion vazhdimi edhe për 12 muaj tjerë, varësisht nga numri i paraqitjeve që ai bën.
Busquets ështe pjesë e Barcelonës që nga viti 2005 ku ka kaluar nëpër grupmosha, derisa u bë pjesë e ekipit të parë në vitin 2008 dhe debutimin e pati në shtator të atij viti ndaj Racing Santander.
Veterani spanjoll ka fituar 31 trofe me Barcelonën, në mesin e tyre tri herë Ligën e Kampionëve në sezonet 2008/2009, 2010/2011 dhe 2014/15.
Ai numëron mbi 700 paraqitje me katalanasit, ku deri më tash ka kontribuar me 18 gola e 44 asistime.
