Të dhënat tregojnë se janë mbi 1.600 persona të zhdukur.
E ky proces po neglizhohet direkt nga Institucionet e Serbisë.
Bekim Blakaj, nga Fondi për të Drejtën Humanitare thotë që është mese e qartë se nuk ka gatishmëri nga pala Serbe për zbardhjen e fatit të të pagjeturve.
Institucionet e Kosovës po vazhdojnë të insistojnë që Serbia ti hap arkivat shtetërore, dhe prandaj po kërkohet ndërmjetësim më i fortë ndërkombëtar për këtë proces.
Dy dekada pas luftës në Kosovë, familjet shqiptare, serbe dhe të nacionaliteteve të tjera, janë ende në pritje për të kuptuar më shumë për më të dashurit e tyre.
Kryeministri i Kosovës, Albin Kurti, ka deklaruar se në takimin e fundit me palën serbe, nuk ka pasur gatishmëri nga këta të fundit të nënshkruhet një dokument i dakorduar për çështjen e të pagjeturve.
Kronika e realizuar nga Shpat Blakçori
