Dogana e Kosovës ka njoftuar se ka sekuestruar mall në vlerë mbi 25 mijë euro që po tentohej të futej ilegalisht nga Maqedonia e Veriut në Kosovë përmes një furgoni.
Sipas njoftimit, gjatë kontrollit në automjet janë gjetur të ngarkuara 55 mijë filtera për cigare Grand 55, 101 pako me arra dhe 120 pako me kikirika.
Po ashtu, bëhet e ditur se me urdhër të prokurorit kompetent në Gjilan edhe automjeti është sekuestruar dhe dërguar në terminal doganor.
“Me datë 02.11.2024 rreth orës 19:50 njësia e Task Forcës ka identifikuar një automjet furgon me targa vendore duke ardhur ilegalisht nga fsh.Tanushë- RMV në drejtim të fsh.Mjak RKS. I njëjti është ndaluar dhe gjatë kontrollit në automjet kishte pasur të ngarkuara mallra si në vijim: Filtera për cigare Grand 55 pako x10000 cope fitera gjithsej 550000 copë, 101 pako me arra X 10 kg gjithsej 1010 kg, 120 pako me kikirika X 6 kg gjithsej 720 kg. Vlera e mallit sipas tregut është mbi 25.000€. Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent në Gjilan, malli dhe automjeti sekuesteohen dhe dërgohet në terminalin doganor”, thuhet në njoftim.
