Ministria e Punëve të Jashtme dhe Diasporës ka njoftuar qytetarët e Kosovës se më 14 mars 2026 është paralajmëruar një protestë në pikën kufitare Jarinjë, në territorin e Serbisë, e cila pritet të shoqërohet me bllokim të rrugës për rreth dy orë.
Sipas njoftimit, protesta pritet të mbahet nga ora 16:00 deri në orën 18:00, çka mund të shkaktojë vonesa dhe pengesa në qarkullim për qytetarët që planifikojnë të kalojnë nëpër këtë pikë kufitare.
MPJD u ka bërë thirrje qytetarëve që të planifikojnë me kohë udhëtimet e tyre dhe, për të shmangur pritjet e gjata apo bllokimet eventuale, të përdorin rrugë alternative.
Ministria theksoi se do të vazhdojë të monitorojë situatën dhe do të informojë publikun për çdo zhvillim të ri.
Për informata shtesë, qytetarët mund të kontaktojnë Qendra Kombëtare për Menaxhim Kufitar në numrat: +383 (0)45 198 000, +383 (0)45 198 606 ose në numrin pa pagesë 0800 50095.
Protestë e paralajmëruar afër Jarinjës, QKMK apelon për shmangie të qarkullimit
