Policia e Kosovës ka sekuestruar një sasi të armëve dhe municionit në Prizren.
Sipas PK-së rasti ka të bëjë me të shtëna me armë me 09.09 në rrugën “Mbreti Pleurat”.
Ndërsa, sot Policia ka bërë të ditur se ka lokalizuar dy të dyshuarit ku është gjetur dhe sekuestruar një veturë.
Pas kontrollit në dy lokacione janë sekuestruar; një pushkë automatike AK-47, një pushkë gjysmë automatike me dylbi, një pushkë gjuetie, 161 fishekë të kalibrave të ndryshëm
“Të dy të dyshuarit janë në kërkim dhe akuzohen për këto vepra penale: “Shkaktim i rrezikut të përgjithshëm”, “Përdorimi i armës apo mjetit të rrezikshëm”, “Mbajtja në pronësi, kontroll apo posedim të paautorizuar të armëve’”, thuhet në komunikatë.
