Policia e Kosovës, në Ferizaj gjatë një bastisje në një shtëpi dhe objekte përcjellëse ka gjetur një sasi narkotikësh, të hollash dhe armë.
Lidhur me këtë është arrestuar një 33-vjeçar, me inicialet Q.T., i cili është dërguar në mbajtje për 48 orë.
Sipas njoftimit të Policisë, gjatë kontrollit në shtëpi dhe në një pjesë të groposur në kopsht janë gjetur dhe konfiskuar 842.9 gramë kokainë, dy armë të shkurta – njëra me leje, 40 fishekë, një peshore digjitale, 19.288 euro, disa kartela bankare dhe dëshmi tjera që do të përdoren në procedura të mëtejme ligjore.
“Ndaj tij është iniciuar rasti për përfshirje në veprat penale blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge dhe mbajtja në pronësi ose kontroll të paautorizuar të armës. Operacioni policor është realizuar nga Drejtoria për Hetimin e Trafikimit me Narkotik përkrahur nga zyrtarë policorë të Stacioni Policor-Ferizaj”, thuhet në njoftim./teve1.info/
