Bekim Sejdiu, i cili më herët ishte propozuar si kandidat për president të Republikës së Kosovës, e ka uruar akademiken Justina Shiroka-Pulën për zgjedhjen e saj në krye të shtetit.
Përmes një reagimi pas zgjedhjes së Shiroka-Pulës presidente, Sejdiu ka thënë se me përmbylljen e procesit të zgjedhjes së presidentes, Kosova ka shmangur, sipas tij, një cikël të ri krize.
Ai ka vlerësuar gjithashtu figurën e Shiroka-Pulës, duke e përshkruar si një zonjë të nderuar, me cilësi të larta njerëzore dhe përvojë të pasur intelektuale.
“Me zgjedhjen e Presidentes së Republikës, Kosova jo vetëm që shmangu një cikël të ri krize, por vuri në krye të shtetit një zonjë të nderuar, me cilësi të larta njerëzore dhe një bagazh të pasur intelektual.
Urimet më të përzemërta Presidentes së Republikës, Prof. Dr. Justina Shiroka-Pula”, ka shkruar Sejdiu.
Sejdiu ishte propozuar më herët si kandidat për president, por kandidatura e tij nuk u procedua deri në zgjedhjen e Shiroka-Pulës në këtë post.
