As shiu e as të ftohti nuk i ndaloi të protestojnë mëngjesin e kësaj të hënë.
Ndonëse javën që shkoi morën premtime që pagat do të dalin të premten.
“Deri të premten unë ju garantojë që pagat ju dalin, kthehuni në vende të punës. Unë, po jap garancion se unë ka me u përballë përsëri me juve”, kishte thënë menaxheri më 21.10.2025.
Si pasojë e mos mbajtjes së këtij premtimi, për herën e tretë me radhë këta punëtorë të sigurimit fizikë të kompanisë “ Skyfterat Secyritu” në Komunën e Prishtinës, po kërkojnë ekzekutimin e pagave të tyre për muajin tetor.
Të njëjtit kërkojnë që pagesa e tyre mujore të ekzekutohet pa vonesa të mëtejshme.
“As nuk po kërkojmë me na rritë rrogën as kurgjo, veç për ato parë po dalim”, është shprehur njëri nga puntorët.
E menaxheri i kompanisë u premtoi se sot do të filloj të dalin pagat për këta punëtorë.
“Sot vjen Nijazi në ora 14:00 edhe ka me fillu sot mbas dite me ekzekutimin e pagave. Unë e kam njoftu edhe Nijazin, qysh me ka thënë ai mbrëmë unë po ia transmetoj fjalët e tij sot. Vendet e punës nuk jeni duke bërë mirë që po i lëni vet, unë, po ju kuptoj”, ka thënë menaxheri i kompanisë.
“As s’po duam me pa e as me nejt me të le ti qetë paga u kry puna”, është shprehur tutje puntori.
