Policia e Kosovës ka bërë të ditur se një shtetas i Shqipërisë dhe një i Kosovës, i janë dorëzuar nga Policia e Shqipërisë, pasi dyshohet se kanë rrëmbyer një burrë në Prizren dhe e kanë dërguar në Shqipëri.
Viktimës i është ofruar tretman mjekësor, ndërkohë, rasti është cilësuar si rrëmbim.
“Raportohet se viktima mashkull kosovar ishte rrëmbyer nga dy të dyshuar meshkuj njëri shtetas i R. Shqipërisë dhe tjetri shtetas i R. Kosovës dhe ishte dërguar në R. Shqipërisë. Policia e R. Shqipërisë kanë arritur të ndalin veturën e të dyshuarve dhe më pas ata i janë dorëzuar Policisë së Kosovës”, thuhet në raportin 24-orësh të Policisë së Kosovës.
