Një tregolësh për Ronaldon, dy asiste për Joao Félix. Dy lojtarët portugezë shkëlqyen gjatë ndeshjes miqësore midis klubit të tyre, Al-Nassr dhe Rio Ave, të enjten në mbrëmje (4-0).
Gjatë vizitës së tij në zonën e përzier pas ndeshjes, fituesi pesë herë i “Topit të Artë” foli për mbërritjen e Joao Félix në Arabinë Saudite.
Pas një pritjeje të gjatë te Benfica, 25-vjeçari portugez vendosi më në fund t’i bashkohej Al-Nassr në fund të korrikut. Një zgjedhje që doli të ishte “shumë e mençur”, sipas Cristiano Ronaldos, i cili diskutoi këtë temë në zonën e përzier pas ndeshjes dhe komentet e të cilit u raportuan nga e përditshmja sportive portugeze A Bola.
“Mendoj se ishte një mundësi më e mirë për Felixin, sesa të luante në ligën portugeze”, tha ai, përpara se të komplimentonte Ligën Profesionale Saudite.
“Mendoj se ai do të jetë shumë i dobishëm për ne në ligën saudite, e cila është shumë konkurruese, shikoni numrin e yjeve që ka ardhur në Arabinë Saudite. Edhe nëse ai nuk luan në Ligën e Kampionëve, ishte një vendim shumë i mençur nga ana e tij.”
Në të njëjtën kohë, qendërsulmuesi 40-vjeçar mohoi të ketë telefonuar bashkëkombësin e tij për ta bindur atë t’i bashkohej te Al-Nassr.
