Është publikuar lista e të nominuarve për “Topin e Artë”. Mungesa e madhe quhet Cristiano Ronaldo. Revista franceze “France Football” ka publikuar listën e të nominuarve për “Topin e Artë” për vitin 2023.
Në listë përfshihet edhe emri i Lionel Messit, por jo ai i rivalit të tij të përhershëm, Cristiano Ronaldo.
Portugezi u transferua në Arabinë Sauditë gjatë dimrit dhe nuk është nominuar në zgjedhje për herë të parë që nga viti 2004. Ronaldo e ka fituar çmimin pesë herë.
Messi konsiderohet favorit pas triumfit në Kupën e Botës me Argjentinën në dhjetorin e vitit të kaluar.
Konkurrenti më i fortë është fituesi i tripletës me Manchester Cityn, Erlind Haaland.
Kylian Mbappe dhe Karim Benzema po ashtu mund të shpresojnë të fitojnë “Topin e Artë”, i cili u dha për herë të parë në vitin 1956.
Ceremonia e ndarjes së çmimeve do të zhvillohet në Paris më 30 tetor.
