Jorn Rohde, ambasadori i Gjermanisë në Kosovë, është pajtuar me kryeministrin e vendit, Albin Kurti, i cili ka thënë se të gjitha pikat e marrëveshjes mes Kosovës dhe Serbisë duhet të zbatohen.
“Plotësisht dakord – zbatimi i plotë i të gjitha pikave të marrëveshjes nga Kosova dhe Serbia është nevoja e kohës”, ka shkruar ai në Twitter.
Kryeministri Kurti është shprehur sot se nuk duhet të ketë zbatim të pjesshëm të marrëveshjes së Ohrit, por ajo duhet të zbatohet plotësisht dhe menjëherë.
Serbia vazhdimisht është shprehur se i ka vijat e kuqe për marrëveshjen me Kosovën dhe se nuk ka obligime karshi asaj marrëveshjeje.
Kosova dhe Serbia kanë arritur një marrëveshje në Ohër më 18 mars. /Teve1.info/
Fully agree – full implementation of all points of the agreement by Kosovo and Serbia is the need of the hour! https://t.co/6fJ6bP6fp5
— Ambassador Jörn Rohde (@GermanAmbKOS) April 16, 2023
